Piksuk Media Contact

ᐱᒃᓱᒃ ᓯᐊᒻᒪᖅᑎᑦᓯᓂᖅ
 


ᐊᔾᔨᓕᐅᕆᔪᑦ ᐃᓚᖓᓐᓂ “ᕿᒻᒦᑦ: ᐊᖏᖃᑎᒌᙱᓐᓂᐅᔪᑦ ᒪᕐᕉᖕᓂᑦ ᓱᓕᔪᓂᑦ ”
ᐊᔾᔨᓕᐅᖅᑕᖅo: ᐲᑕ ᐃᖃᓗᒡᔪᐊᖅ 
 

ᑐᕌᒐᒃᓴᑦ ᓇᓗᓇᐃᖅᓯᕗᖅ ᓄᑖᒥᒃ ᐱᓕᕆᓂᐅᔪᒥᑦ ᐱᒃᓲᑉ ᐃᓅᓯᖓᓐᓂ. ᑕᓚᕖᓴᒧᑦ ᑕᑯᓐᓇᒐᒃᓴᓕᐅᖅᖢᓂ ᖃᕋᓴᐅᔭᒃᑯᑦ ᑖᔅᓱᒥᖓ ᐃᓚᖃᖅᖢᓂ ᖃᕋᓴᐅᔭᒃᑯᑦ ᑐᑭᓯᒋᐊᖅᑕᕐᕕᖓᓂ ᐊᒻᒪᓗ ᑕᓚᕖᓴᒃᑯᑦ ᐱᙳᐊᕈᑎᒃᓴᒥᑦ ᓄᑖᖑᓪᓗᓂ ᐱᓕᕆᓂᐅᕗᖅ ᐱᓕᕆᔨᑦᑎᓐᓄᑦ. ᐊᒻᒪᓗ  ᐊᑐᖅᑕᐅᓚᐅᖅᓯᒪᙱᑦᑐᒥᑦ ᐱᓇᓱᐊᖅᑕᑦᑎᓐᓂ ᓄᓇᕘᑉ ᑕᕐᕆᔭᓕᐅᕐᓂᕐᒧᑦ ᐊᒻᒪᓗ ᑕᓚᕖᓴᒧᑦ ᓴᖅᑭᑎᑦᑎᓂᕐᒧᑦ ᓴᓇᓂᐅᔪᒥᑦ. ᐱᕈᖅᑎᑦᑎᔪᓐᓇᕐᓂᑦᑎᓐᓂ ᐃᓄᐃᑦ ᐊᒻᒪᓗ ᐅᑭᐅᖅᑕᖅᑐᒥ ᐃᓕᖅᑯᓯᖏᓐᓂᑦ - ᐃᖏᕐᕋᖃᑎᖃᖅᖢᑕ ᕿᒻᒥᓂᑦ - ᓄᑖᙳᕆᐊᖅᓯᒪᔪᒥᑦ ᐊᑐᖅᑕᐅᓯᒪᔪᓐᓇᖅᑐᓂᑦ ᑕᐃᒪᐃᑦᑐᒥᑦ ᐱᓕᕆᓂᑦᑎᐊᕚᓗᕗᖅ ᐃᓗᓕᓕᖕᒥᑦ ᓱᓕᓂᖅᑐᓂᒃ ᓯᕗᓂᒃᓴᑦᑎᓐᓄᑦ.


ᒪᐃᒃ ᔭᐅᐴᑎ ᑲᖏᖅᖢᒑᐱᖕᒥᑦ ᐋᖅᑭᒋᐊᑐᖅᕕᐅᔪᒥᑦ ᐃᒡᓗᕈᓯᕐᒥᑦ.
ᐊᔾᔨᓕᐅᖅᑕᐅᔪᖅ: ᑕᐃᑉ ᑎᓗᓯᕆ
 
ᓈᒻᒪᒃᑐᒥ, ᓇᖕᒥᓂᕆᔭᕗᑦ ᐊᑎᖃᖅᐳᖅ ᕿᒻᒥᐅᓚᐅᖅᑐᒥᑦ ᐱᒋᔭᐅᔪᒥᑦ ᔪᐃᓕ ᓴᖑᔭᒧᑦ ᓄᑲᑉᐱᐊᖑᑎᓪᓗᒍ ᓄᓇᒥᐅᑕᐅᑎᓪᓗᒍ ᐅᐊᖕᓇᖅ-ᑲᓇᖕᓇᖅ ᓯᒡᔭᖓᓂ ᕿᑭᖅᑖᓗᖕᒥᑦ. ᔪᐃᓕ ᐊᒻᒪᓗ ᓇᖕᒥᓂᖃᖃᑎᖏᑦ ᓵᕐᓚᑦ ᑎᕗᓪᑉ ᐊᒻᒪᓗ ᐆᓕ ᒎᔅᑖᑦ ᓴᖅᑭᑎᑦᑎᓚᐅᖅᐳᑦ ᐱᒃᓱᒃ ᓯᐊᒻᒪᖅᑎᑦᓯᓂᕐᒥᑦ 2005-ᒥᑦ – ᓯᕗᓪᓕᖅᐹᒥ ᔪᐃᓕ ᓱᒃᑲᐅᓴᐅᑎᖃᑕᐅᓪᓗᓂ ᕿᒧᒃᓯᓂ ᓄᓇᕗᑦ ᑐᕌᒐᒃᓴᒥᑦ.

ᐱᒃᓱᒃ ᐱᓕᕆᔩᑦ ᑲᖏᖅᖢᒑᐱᐅᑉ ᖃᓂᒋᔮᓂ.

ᐊᔾᔨᓕᐅᖅᑕᐅᔪᖅ: ᐲᑕ ᐃᖃᓗᒃᔪᐊᖅ
ᓯᕗᓪᓕᖅᐹᖅ ᓱᓕᔪᒥᒃ, ᐊᑐᖅᑕᐅᓪᓚᕆᒃᓯᒪᔪᒥᒃ ᑕᕐᕆᔭᓕᐊᕆᔭᑦᑎᓐᓂ ᐅᓇᐅᓚᐅᖅᐳᖅ ᓇᓗᓇᕐᓂᖓᓂ ᐊᖅᑭᐅᖅ 2008-ᒥ, ᓴᓇᔭᐅᖃᑕᐅᓪᓗᓂ ᐃᓄᐃᑦ ᐋᔩᖃᑎᒌᖕᓂᕐᒧᑦ ᐱᓕᕆᐊᖑᔪᓂᑦ APTN-ᑯᓐᓄᑦ. ᒫᓐᓇᕋᑖᖅ ᓴᖅᑭᑎᑦᑎᓚᐅᖅᐳᒍᑦ ᖀᒻᒦᑦ: ᐊᖏᖃᑎᒌᙱᓐᓂᐅᔪᑦ ᒪᕐᕉᖕᓂᑦ ᓱᓕᔪᓂᑦ , ᑕᑭᔫᓪᓗᓂ ᓱᓕᔪᒥᒃ, ᐊᑐᖅᑕᐅᓪᓚᕆᒃᓯᒪᔪᒥᒃ ᑕᕐᕆᔭᓕᐊᕆᓯᒪᔪᒥᑦ ᐊᒥᓱᐊᓗᖕᓂᑦ ᑐᖂᑦᑎᓂᐅᔪᓂᒃ ᕿᒧᒃᓯᐅᑎᓂᒃ ᕿᒻᒥᓂᑦ  1950-ᓂᑦ ᐊᒻᒪᓗ 60-ᓂᑦ. ᑕᒪᓐᓇ ᑕᕐᕆᔭᓕᐊᖑᔪᖅ ᓴᓇᔭᐅᖃᑕᐅᓚᐅᖅᐳᖅ ᑲᓇᑕᒥ ᑕᕐᕆᔭᓕᐅᖅᑎᓂᑦ ᑲᑎᒪᔨᓂᑦ ᑕᑯᓐᓇᒐᒃᓴᓕᐅᖅᑎᓄᑦ APTN-ᑯᓐᓄᑦ ᐊᒻᒪᓗ ᓈᓚᐅᑎ-ᑲᓇᑕᒧᑦ.

ᑕᕐᕆᔮᓕᐅᖅᑐᑦ ᑭᒻᒥᕉᑉ ᖃᓂᒋᔮᓂ.
ᐊᔾᔨᓕᐅᖅᑕᐅᔪᖅ: ᐱᓕ ᐋᑲᕙᒃ
ᐃᓕᓐᓂᐊᖅᑎᑦᑎᓪᓗᓂ ᐃᓄᖕᓂᑦ ᑕᓚᕖᓴᒧᑦ ᑕᕐᕆᔭᓕᐅᕐᓂᕐᒧᑦ ᐱᒻᒪᕆᐅᓚᐅᖅᐳᖅ ᑐᕌᒐᒃᓴᑦᑎᓐᓂ. ᓴᖅᑭᑎᑦᑎᓯᒪᕗᒍᑦ ᐱᓕᕆᖃᑎᒌᑦᑎᐊᕐᓂᕐᒥᑦ ᖃᓂᒌᒃᖢᑕ ᐃᓕᓴᖅᓯᕕᖕᒥᑦ ᐃᓚᒋᔭᐅᔪᓄᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᓂᐅᔪᓂᑦ ᑲᖏᖅᖢᒑᐱᖕᒥᑦ, ᐊᒻᒪᓗ ᑕᒪᓐᓇ ᐅᕙᑦᑎᓐᓂ ᐱᓕᕆᔪᓐᓇᖅᑎᑦᑎᓪᓗᓂ ᐱᓕᕆᓂᕐᔪᐊᖑᔪᓂᑦ ᐱᓕᕆᐊᒃᓴᓂᑦ ᐊᒻᒪᓗ ᓴᖅᑭᑎᑦᑎᒃᑲᓐᓂᖅᖢᑕ ᐊᓯᖏᓐᓂᑦ ᓇᐃᓐᓂᖅᓴᓂᒃ ᐃᓄᒃᑎᑑᖓᔪᓂᑦ. ᖃᔅᓯᒐᓚᖕᓂᑦ ᐱᓕᕆᐊᒃᓴᖃᒃᑲᓐᓂᖅᐳᒍᑦ ᓴᖅᑭᓛᖅᑐᓂᑦ ᐊᒻᒪᓗ ᖁᕕᐊᑉᐳᒍᑦ ᐱᓕᕆᖃᑎᖃᒃᑲᓐᓂᓛᕐᓂᑦᑎᓐᓂ ᐱᕙᓪᓕᐊᑎᑦᑎᑎᓪᓗᑕ ᑖᒃᑯᓇᓂ.

 


ᐱᒃᓱᒃ ᓯᐊᒻᒪᖅᑎᑦᓯᓂᖅ.

ᐃᒡᓗ 93, ᑐᕌᕈᑖ 107

ᑲᖏᖅᖢᒑᐱᒃ, ᓄᓇᕗᑦ
X0A 0E0

867 924 6382

www.piksuk.ca

info@piksuk.ca